தமிழகத்தில் சட்டமன்ற தேர்தல்


தமிழகத்தில் சட்டமன்ற தேர்தல்

வாக்கு பதிவு நாள் : பங்குனி 30 (April 13th)
முடிவுகள் அறிவிக்கும் நாள் : சித்திரை 30 (May 13th)

எனது பார்வையில் –

இந்தியாவில் தமிழகம் பெரிய மாநிலங்களில் ஒன்று , 4.59 கோடி வாக்காளர்கள் கொண்ட மாநிலத்தில் ஒரே நாளில் தேர்தல் என்பது ஒரு சாதனையே! இதை சிறந்த முறையில் சாத்தியமாக்க, தேர்தல் ஆணையத்திற்கு வாழ்த்துக்கள்.

நிச்சியமாக மிண்ணணு வாக்கு பதிவு இயந்திரம் இல்லாமல் இது சாத்தியம்மில்லை. இது போன்ற முயற்சிகள் தான் மிண்ணணு இயந்திரங்கள் கண்டுபிடிப்புக்கான காரணமும் கூட. மேலும் கவனிக்க வேண்டிய மற்ற சில காரணங்களில் செலவை குறைத்தல், ஆள் பற்றாக்குறை சமாளித்தாலும் அடங்கும்.

இதுவரை சரி, ஏன் முடிவுகள் தெரிவிக்க ஒரு மாதம் தாமதமாக்க வேண்டும்? இதற்கு தேர்தல் ஆணையம் கூறும் முக்கிய காரணம் – தொடர்ந்து மற்ற மாநிலங்களிலும் தேர்தல் நடக்க இருப்பதால் என்பதுதான்.

–> தேர்தல் போன்ற பெரிய காரியங்களுக்கு சம்மந்தபட்ட ஆணையங்கள், ஆணைய ஊழியர்கள் மற்றும் மாநில அரசாங்க ஊழியர்களை பணியில் அமர்த்துகிறது. இப்படி இருக்க எப்படி ஆள்பற்றாக்குறை ஒரு காரணமாகும் .

–> மற்றும் வாக்குபதிவு நடக்கும்போதே அந்த இயந்திரங்களில் பதியப்படும் வாக்குகள் எண்ணப்பட்டுவிடுகிறது. கடைசியில் அனைத்து இயந்திரங்களில் இருந்து அந்த எண்ணிக்கையை எடுத்து ஒருங்கிணைத்து முடிவுகள் வெளியிடப்படும். மிண்ணணு இயந்திரங்கள மூலம் வாக்கு எண்ணிக்கை பெறும் பகுதி இயந்திரமயமாக்கப்பட்டுவிட்டது.

–> இவை ஒருபுறம் என்றால், தமிழகத்தில் ஒரே நாளில் தேர்தல் சாத்தியம் என்றால் – ஏன் அதை வாக்குகள் எண்ணப்படும் நாளிற்கு ஒரு நாள் முன்னதாக இருக்க கூடாது? (சித்திரை 30 மற்றும் 31)

–> இத்தோடு இல்லாமல் ,ஒரு மாத கால இடைவேளியில் இந்த இயந்திரங்கள் எப்படி கையாளப்படும் என்பது தெரியவில்லை. வாக்கு எண்ணிக்கை முடிவுகள் வரும் வரை, சட்ட விரோத செயல்களிருந்து பாதுகாக்க பல்வேறு காரணங்களுக்காக ஆள் மற்றும் பணவிரையம் ஆகலாம்.

–> இவை அனைத்தையும் கடந்து கடைசியாக, சித்திரை 30 வெளியாகும் முடிவுகளின் நம்பகத்தன்மை கேள்விக்குறியாகிவிடும்!

இதறக்கு இடையில் ஏதேனும் சட்டவிரோத செயல்கள் நடந்தால், இயந்திரங்கள் சேதபடுத்தப்பட்டால், திருடப்பட்டால் மற்றும் பல கரணங்களால் மீண்டும் தேர்தல் நடைபெறுமேயானால் இந்த தேர்தல் செலவு மக்கள் வரிப்பண விரையம் மட்டும் இல்லாமல் இயந்திரம் கண்டுபிடிக்கபட்டதன் அர்த்தம் சிதைக்கப்படும்.

இந்த தேர்தல் தேதிகளில் மாற்றம் ஏற்பட அரசியல் கட்சிகளின் குரல் உரக்க ஒலிக்கவேண்டும்!

மறைந்த ஜனநாயக அரசியல் – மேடையேறிய அநாவசியங்கள் – ஆந்திர அரசியல்


என் கருத்துக்களை இங்கே பகிர்ந்துகொள்கின்றேன். இங்கே பட்டியலிடப்பட்டவை என் சொந்த எண்ணம் மற்றும் ஆய்வறிக்கையை மேலோட்டமாக படித்ததில் இருந்து என்னில் எழுந்த எண்ணங்கள்.

ஸ்ரீ கிருஷ்ணா குழுமத்தின் அறிக்கையில் இருந்து “After considering all aspects, the Committee found the balance tilting in favour of keeping the state united, though some valid and strong reasons that had continued to cause discontent in Telangana region since its merger indicated that the demand for separation was also not entirely unjustified. All these
aspects have been discussed in detail in Chapter 9 of the Report and conclusions arrived at.” – ஒரு ஆண்டு காலம் நடந்த ஆய்வில் ஒன்று பட்ட ஆந்திரம் என்ற ஒரு தீர்வு மேலோங்குகிறது. இந்த தீர்வையே நான் பின் வரும் காரணங்களுக்காக ஆதரிக்கின்றேன்,

௧. “வேற்றுமையில் ஒற்றுமை” – காணுவோம் என்று ஜவஹர்லால் நேரு கூறிய இந்த பொன் மொழியை சொல்லி நாம் மார்தட்டி கொள்ள இயலாது! இன்று நம்மிடையே அரங்கேறி கொண்டிருப்பது “ஒற்றுமையில் வேற்றுமை” – உண்டு செய்வோம் என்றுதான், ஒரே மொழி, கலாச்சாரம், அடையாளங்கள் கொண்ட மக்களை பிரிப்பது கூடாது. “மொழி”யின் அடிப்படையில் மாநிலம் என்பது பொய்யாகிபோகும். இன்று நம்மை ஒன்று சேர்க்க ஒரு இரும்பு மனிதர் சர்தார் வல்லபாய் படேல் இல்லாது போனாரே!

௨. தனி தெலுங்கான வேண்டும் என்று சொல்லுவதற்கான காரணங்கள் அனைத்தும் தெலுங்கானவைவிட ராயல்சீமவுக்கு தான் அதிகம் பொருந்தும். இந்த கருத்தை மேற்சுட்டிய அறிக்கையில் பல புள்ளி விவரங்களோடு பார்க்கலாம். உதாரணமாக, விவசாயம் குறைந்தது, தண்ணீர் இன்மை, வறட்சி, சிறந்த கல்வி கூடங்கள் இல்லாமை, பொருளாதார ரீதியாக பின்தங்கி இருப்பது இப்படி இன்னும் பல . . .

௩. தனி மாநிலம் உருவான பின் அந்த மாநிலம் முன்னேற்றம் என்பது ஒரு புறம் இருக்க, நாட்டிற்கும், பிற மக்களுக்கும், அண்டை மாநிலங்களுக்கும் என்ன பாதிப்புகள் இருக்கலாம் என்று பட்டியலிடுவது அவசியமாகிறது. அந்த வகையில் உடனடியாக எனக்கு தெளிவுபடுவது,
௩.௧. நதி நீர் பங்கிடு – பத்தோடு பிதினொன்று என்று இழுத்துக்கொண்டே போகும் அவ்வளவே!
௩.௨. நேர்முக/ மறைமுக வரிகள் மூலம் மக்கள் மேல் மேலும் பொருளாதார சுமைகள். உதாரணமாக, மாநில நுழைவு/ சுங்க வரி மக்களையே வந்து சேரும்.

௪. இன்று தனி தெலுங்கான என்று முடிவானால் நாளை தனி மாநிலங்களுக்கா காத்திருக்கும் கோரிக்கைகளையும் தூசி தட்ட வேண்டும் – இன்று இல்லையென்றாலும் கண்டிப்பாக ஒரு நாள் – அந்த ஒரு நாள் விரைவில் வராது என்பதற்கு யாராலும் எந்த உத்திரவாதமும் தர முடியாது.

௫. தனி மாநிலமாக உருவாதன் மூலம் கண்டிப்பாக முன்னேற்றம் உண்டு என்று சொல்லுவதற்க்கில்லை – சிறந்த உதாரணம் சத்தீஸ்கர், மாநிலம் உருவாகி ௧௦ ஆண்டுகள் நிறைவேருவதர்க்குள் ௪௦௦௦ கோடி ஊழல்! மற்றும் ஒரு உதாரணம் ஜார்க்ஹாந்து . . எந்த ஒரு பெரிய முன்னேற்றத்தையும் அடைந்து காட்டவில்லை.

பாட்டியை ஏமாற்றி வடையை தூக்கி கொண்டு போகும் காக்கைக்கு தெரியாது தானும் ஏமாற்ற படுவோம் என்று, கடைசியாக ஏமாற்றுகார குள்ள நரி(கள்) தான் சுவைக்க போகிறது! கதையில் ஒன்று மட்டும் நிச்சயமாகி போகிறது “பாட்டி ஏமாற்ற பட்டாள்!”

எந்த ஒரு செயலுக்கும் நேர் விசை எதிர் மறை விசை உண்டு. தனி மாநிலம் உருவாவதன் மூலம் ஏற்படும் நன்மைகள் உண்டு என்ற போதிலும் இந்த நன்மைகளை மட்டும் கருத்தில் கொண்டு செயல் படகூடாது, இந்த பிரிவினையால் ஏற்படும் எதிர் மறை செயல்களையும் கருத்தில் கொளுத்தல் அவசியமாகிறது.

Ingulab Zindabad

Ingulab Zindabad

நன்றி!

sri krishna committee report (from eenadu news paper, thanks http://www.eenadu.net) >>

India Day Parade, New York 2009 – Collection of photos >>